घाटे का सौदा
मूळ लेखक : स़ादत हसन मन्टो.
१९१२-१९५५
_________________________________________________
त्या दोन मित्रांनी मिळून दहा-वीस मुलींमधून एक निवडली आणि बेचाळीस रुपये देवून तिला विकत घेतलं.
तिच्यासोबत रात्र घालवल्यावर एका मित्राने त्या मुलीला विचारलं, " नाव काय आहे तुझं ? "
त्या मुलीने आपलं नाव सांगितलं तर तो गोंधळून गेला आणि म्हणाला, "आम्हाला तर सांगितलं होतं कि तू दुसऱ्या धर्माची आहेस..... !"
मुलीने निर्विकारपणे उत्तर दिलं, " ते खोटं बोलले होते !"
हे ऐकून तो धावतच आपल्या मित्राकडे गेला
आणि म्हणाला, " त्या हरामखोरांनी आपल्याला धोका दिला आहे..... आपल्याच धर्माची मुलगी दिली होती...
चल, परत करून येवू ..... !"